Vendimet për Maqedoninë të merren në Maqedoni. Pas ndërrimit të pushtetit, sic njofton KlanM, VMRO-DPMNE-ja thotë se gjëja e parë që do ta bëjnë është që të ndërpritet praktika që për Maqedoninë të vendoset jashtë vendit.
Takimi i Tiranës, sipas opozitës maqedonase, është përpjekje për të shpëtuar qeverinë në largim, takim për të shpëtuar karrierat e bizneseve të BDI-së dhe disa rreth Dimitar Kovaçevskit.
“Takimi i Tiranës ndodh pikërisht me kërkesë të LSDM-së dhe Dimitar Kovaçevskit për të marrë ndihmë për vazhdimin e mandatit të kësaj qeverie, kurse si kundërpërgigje të realizohen politika dhe agjenda në dëm të Maqedonisë dhe popullit maqedonas. Konfirmim për këtë është heshtja e Kovacevski dhe Zeçeviqit, respektivisht miratimi në heshtje pa shtruar pyetje publike për agjendën dhe planet që do të shtrohen në tryezën e takimit”, deklaroi Naum Stoilkovski, zëdhënës i VMRO-DPMNE-së.
VMRO-DPMNE, sic njofton KlanM, thotë se Kryeministri Dimitar Kovaçevski është shërbëtor i interesave të Ali Ahmetit dhe se karriera e tij përbëhet nga realizimi i dëshirave të Ali Ahmetit. Për këtë shkak, sipas VMRO-DPMNE-së, Ahmeti tani i hedh “gomën e shpëtimit” karrierës politike të Kovaçevskit, kurse për pak kohë do ta shohim edhe shërbëtorin e dytë, Dimçe Apasievin, i cili vetëm me fjalë dhe pa vepra aktron patriotin – thonë nga VMRO-DPMNE-ja. /KlanMacedonia
