VMRO-DPMNE gëzon besimin më të madh te qytetarët, prandaj administratori i qeverisë së udhëhequr nga BDI, Kovaçevski, po ikën nga zgjedhjet, thuhet në komunikatën e kësaj partie.
“Sipas sondazheve, VMRO-DPMNE prin me 22,5% para LSDM-së me 17,9%. Besimi i qytetarëve në VMRO-DPMNE është vazhdimisht në rritje, ndërsa për LSDM-në është në rënie. Kryetari i VMRO-DPMNE-së, Hristijan Mickoski, ka mbështetjen më të madhe te qytetarët në krahasim me të gjithë politikanët në Maqedoni. Kryetari i VMRO DPMNE Mickoski gëzon besimin e 17,7% të qytetarëve, për dallim nga Dimitar Kovaçevski të cilin e përkrahin vetëm 5,5%. Kovaçevski i di sondazhet dhe tendencat e opinionit, se mbështetja për LSDM-në është në rënie të vazhdueshme dhe për këtë arsye po ikën nga zgjedhjet”, thekson VMRO.
Më tej nënvizohet se Kovaçevski nuk ka legjitimitet, e as LSDM-ja, kështu që një orë më parë duhet të ketë zgjedhje të reja të parakohshme parlamentare.
Në këtë drejtim, VMRO-DPMNE javën e ardhshme do t’i propozojë Kuvendit ndryshime në Kodin Zgjedhor, që do të nënkuptojë heqjen e qeverisë teknike para zgjedhjeve, në mënyrë që të shkurtohen afatet dhe të mund të shkohet në zgjedhje sa më shpejt, sa më shpejt që të jetë e mundur, nga 45 deri në 60 ditë siç është përcaktuar me Kushtetutë. ” Njëkohësisht, VMRO DPMNE është e gatshme të diskutojë kërkesën për një zonë zgjedhore”, thuhet në komunikatën e VMRO-DPMNE-së.
