Partia më e madhe opozitare maqedonase VMRO-DPMNE po insiston që kreu i Qeverisë, Dimitar Kovaçevski të përcaktohet mes dy opsioneve, siç janë: Qeveria pa BDI-në apo zgjedhje të parakohshme.
“Kovaçevski menjëherë të prononcohet dhe të tregojë cili nga propozimet e VMRO-DPMNE-së është i pranueshëm. Propozimi i parë është që hyrja në fuqi e ndryshimeve kushtetuese të shtyhet deri në momentin kur Maqedonia do të bëhet anëtare e BE-së dhe Qeveri kalimtare pa BDI-në brenda saj, apo propozimi i dytë, zgjedhje në shtator”, deklaroi zëdhënësi i VMRO-DPMNE-së, Naum Stoillkovski.
BDI në mbledhjen e fundit ka vendosur që të përkrah propozimin e partisë më të madhe opozitare, por fillimisht duke kërkuar votimin e ndryshimeve kushtetuese dhe më pas të formohet Qeveria e zgjeruar pa pjesëmarrjen e tyre. (INA)