VMRO-Partia Popullore do të votojë për miratimin e amendamenteve kushtetuese dhe përfshirjen e pakicës bullgare në preambulë.
Partia e ish-kryeministrit, Ljubço Georgievski dha mbështetje të qartë në lidhje me këtë proces që duhet të fillojë në Kuvend.
“Besojmë se me këto ndryshime kushtetuese të propozuara, Maqedonia e Veriut më në fund do të marrë një Kushtetutë të balancuar që në asnjë mënyrë nuk kërcënon identitetin, që do të na çlirojë nga bagazhet dhe vështirësitë me të cilat ballafaqohemi prej vitesh, ndërsa në të njëjtën kohë do të hapë rrugën drejt Bashkimit Evropian”, thuhet në deklaratën e VMRO-Popullore.
