“Nëse do të mësojmë se cilët janë autorët dhe kush janë ndoshta nxitësit e këtij krimi, në atë rast hetimi tashmë është hapur dhe procedura formale vazhdon, e cila ka rregulloren e saj të posaçme të procedurës”, deklaroi në “360 Gradë” në Alsat, shefi i Prokurorisë Themelore në Shkup, Gavrill Bubevski.
Sipas tij, pas djegies së automjetit nuk ka më informacione, pasi ajo pjesë nuk është e mbuluar me video vëzhgim përkatës.
Në një përballje, siç supozohet, mes klaneve nga nëntoka, disa persona të maskuar kanë hyrë në “Shisha Bar” në Çarshinë e Vjetër të Shkupit dhe kanë ekzekutuar Jeton Krivanjevën dhe Enes Isenin.
Në vendin e ngjarjes së përgjakshme u zbuluan 50 gëzhoja.
“Dihet saktësisht sa plagë ka në trupat e të vrarëve, por ende nuk e kam atë informacion, nuk e kam raportin nga mjekësia ligjore, por rreth trupave të të vrarëve janë gjetur 40 deri në 50 gëzhoja. Shumica e plumbave kanë përfunduar në trupin e tyre, gjegjësisht shumë pak kanë përfunduar jashtë”, tha Bubevski në emision.
Bubevski tha se për momentin informacionet që kanë janë ato që i di opinioni dhe se hetimi paraprak i Prokurorisë Themelore Publike nuk mund të kthehet në hetim përderisa nuk dihet identiteti i vrasësve. (INA)
