Prokuroria Themelore e Prishtinës ka ngritur aktakuzë ndaj Naim Murselit dhe tre personave të tjerë për përfshirjen e tyre në vrasjen e Liridona Ademajt, që ndodhi në nëntor 2023.
Sipas raportimeve aktakuza është ngritur ndaj Kushtrim Kokallës, Granit Plavës dhe një personi tjetër, emri i të cilit nuk është bërë i ditur nga prokurorja e rastit.
Prokurorja e çështjes ka deklaruar se disa nga të pandehurit kanë kërkuar të pranojnë fajësinë. Megjithatë, duke e konsideruar rastin si tepër të rëndë, Prokuroria ka vendosur që çështja të shkojë në gjykim.
Rasti po trajtohet me përparësi për të garantuar drejtësi për viktimën dhe familjen e saj.