Nga Prokuroria Publike në Veles njoftojnë se është ngritur aktakuzë kundër një 23-vjeçare pasi e njëjta dyshohet se ka kryer veprën penale “vrasje çasti”, që dënohet sipas nenit 125 të Kodit Penal, përcjell TV21. E pandehura, më datë 29.09.2021, në shtëpinë e familjes ku banonte është sjellë pa faj në gjendje nervozizmi të fortë si pasojë e dhunës në familje, pas çka ka privuar nga jeta tashmë të ndjerin A.R., me të cilin jetonte në një lidhje jashtëmartesore.
“Pasi që ishin kthyer në shtëpi, pasi kishin qenë mysafir, A.R. në gjendje të dehur ka nisur një debat verbal me të pandehurën duke i thënë fjalë poshtëruese. Ajo është futur në dhomën e gjumit dhe është shtrirë në shtrat për të fjetur, por ai shkoi tek ajo, e kapi për pizhamet dhe e tërhoqi zvarrë në kuzhinë, duke e goditur në kokë, vesh dhe shpatullën e majtë, si dhe me shkelma në kofshën e majtë. Pastaj e ka kapur fort nga krahët rreth qafës për ta mbytur. E pandehura ka rezistuar dhe i është lutur që ta lëshojë, pas çka në një moment ajo ka marrë një thikë nga tavolina dhe e ka goditur me thikë në zemër. Si pasojë e therjes është ndërprerë funksionimi i zemrës tek A.R., pas çka ka ardhur deri te vdekja”, thuhet në njoftimin e Prokurorisë.
Prokuroria gjithashtu ka kërkuar shqiptimin e masës së paraburgimit shtëpiak për të pandehurën.
