Presidentit të Serbisë, Aleksandar Vuçiq, i është përkeqësuar papritur gjendja shëndetësore gjatë qëndrimit në Shtetet e Bashkuara të Amerikës, për çka ka kërkuar ndihmë mjekësore.
Sipas informacioneve jozyrtare të gazetës “Blic”, pas kontrollit mjekësor, udhëheqësi serb ka marrë vendimin që të ndërpresë vizitën dhe të kthehet në Serbi. Ngjarja ka ndodhur në orët e hershme të pasdites.
Nga kabineti i presidentit të Serbisë është bërë e ditur se opinioni do të informohet më në detaje në ditët në vijim.
Në momentin kur i është përkeqësuar gjendja, Vuçiq ndodhej në shoqërinë e ministrit të Financave, Sinisha Mali, dhe këshilltares për media, Suzana Vasiljeviq.
Të tre po përgatiteshin për takimet e ardhshme pas një takimi me kongresisten Claudia Tenney, Rod Blagojevichin dhe sipërmarrës serbë nga SHBA-ja.
Kujtojmë se Vuçiq kishte udhëtuar për në Amerikë më 30 prill, dhe kishte planifikuar të takohej me zyrtarë të lartë të Partisë Republikane, si dhe me presidentin amerikan, Donald Trump.
Ish-emisari për dialogun Kosovë-Serbi i cili tashmë në Administratën e re Trump është angazhuar në kapacitete të reja, Richard Grenell, ka reaguar pasi presidenti serb, Aleksander Vuçiq, ka ndërprerë vizitën e tij në SHBA për shkak se, siç raportohet, ai nuk është ndjerë mirë me shëndet.
Grenell ka thënë se i uron më të mirat presidentit serb dhe se i vjen keq që u humb mundësia për për t’u takuar.
Vuçiq kishte paralajmëruar se gjatë këtij qëndrimi në SHBA do të takohej edhe me presidentin e SHBA, Donald Trump.
https://twitter.com/RichardGrenell/status/1918467832918229035
