Presidenti serb, Aleksandar Vuçiq, ka takuar të dërguarin special të Mbretërisë së Bashkuar për Ballkanin Perëndimor, Stuart Peach.
“Theksova se Serbia, si gjithmonë deri më tani, mbetet sinqerisht e përkushtuar për ruajtjen e paqes në rajon, siç dëshmojnë iniciativat e shumta të integrimit rajonal, nismëtar i të cilave është vendi ynë”.
Ai mes tjerash tha se për vendin me të cilin udhëheq çështje kyçe mbetet formimi i Asociacionit.
“Për ne, çështja kyçe mbetet formimi i Asociacionit të Komunave Serbe, si obligim i pranuar dhe i pranuar i Prishtinës në përputhje me marrëveshjet ndërkombëtare, si dhe siguria e popullatës serbe në Kosovë për të cilën presim mbështetjen e plotë të Mbretërisë së Bashkuar”, tha kreu i shtetit serb në një njoftim në llogarinë në Instagram.
Emisari britanik para 12 ditësh qëndroi për vizitë në Kosovë ku me kryeministrin Albin Kurti dhe presidenten Vjosa Osmani diskutoi ndër të tjera për sfidat në Ballkanin Perëndimor dhe ndikimin e Rusisë. /Klankosova.tv.
