Presidenti i Serbisë, Aleksandar Vuçiq, siç shkruan Danas ka tentuar të hyjë me emër të rremë në një darkë donatorësh të kandidatit republikan për guvernator të Floridës.
Lëvizja për “Ripërtëritjen e Mbretërisë së Serbisë” (POKS) vlerëson se pas dëshmisë së serbo-amerikanit Aleksandar Joviçiq nga organizata “Serbët për Trump 2024” se Aleksandar Vuçiç u kap duke u përpjekur të hynte në një darkë donatorësh për kandidatin republikan për guvernator të Floridës me një emër të rremë, Serbia është turpëruar dhe ka pësuar dëme të mëdha diplomatike dhe gjeopolitike.
“I kapur në një përpjekje për të hyrë në Konventën e Bajronit nën emrin e rremë Aleks Vuçi, presidenti i Serbisë u kap duke shkelur ligjin dhe me mirësjellje iu kërkua të largohej nga SHBA-ja”, tha Vojislav Mihailoviq, president i POKS dhe deputet.
“Ai i turpëroi serbët në SHBA dhe në mbarë botën. Duke vepruar kështu, ai u shkaktoi dëme serioze serbëve në SHBA, falë të cilëve Serbia mësoi të vërtetën”, shtoi ai.
“Jemi mësuar që ai e mashtron Serbinë dhe askush nuk e besonte këtë ide”, theksoi Mihailoviq.
