Vuçiqit i hyn frika, thirrja e Kurtit për bashkim kundër Serbisë – mesazh i qartë

Presidenti i Serbisë, Aleksandar Vuçiq, deklaroi se fakti që serbët do të kenë një pozitë ministrore në Qeveri e Kosovës, si dhe thirrja e Albin Kurtit për zgjedhjen e kryeministrit që të gjithë duhet të jenë të bashkuar në Iuftën kundër Serbisë, është një mesazh i qartë për serbët në Kosovë.

I pyetur se si e komenton faktin që serbët do të kenë një vend në qeverinë e Kosovës, Vuçiç vuri re dy gjëra, raporton RTS “Njëra është një shkelje brutale e veprimit të tyre më ligjor, nga këndvështrimi i tyre, sepse ajo kushtetutë thotë se serbët duhet të marrin dy poste ministrore. Por atyre nuk u intereson që e shkelën bar barisht atë”, deklaroi Vuçiq.

Sipas tij, shqiptarët në Kosovë nuk janë të shqetësuar sepse askush nga bota nuk do t’u tregojë asgjë për atë çështje, por që është një mesazh i qartë për popullin serb. “Dhe një mesazh edhe më i qartë ishte kur Kurti tha se të gjithë duhet të ishin të bashkuar në Iuftën kundër Serbisë. Imagjinoni që unë të bëja thirrje që të bashkoheshim kundër Prishtinës. Kurse, unë bëj thirrje për arsye dhe që të jeni të bashkuar në arritjen e një kompromisi. Dhe askush nuk reagoi ndaj asaj që tha Kurti, sepse ata u lejuan“, tha Vuçiq. Ai shtoi se gjithçka që është kundër Serbisë lejohet, ndërsa ata do të dënonin gjithçka që Serbia do të bënte për atë çështje në përputhje me kushtetutën e saj.