Kryetari i Kuvendit të Republikës së Maqedonisë së Veriut, Talat Xhaferi, do të marrë pjesë në Takimin e 11. të kryetarëve të parlamenteve të vendeve të Evropës Juglindore, që sot dhe nesër do të mbahet në Budapest, Hungari.
Tema e takimit të sivjetmë është “Procesi i integrimit evropian në Evropën Juglindore: Zgjerim dhe/ose thellim?”, ndërsa tradicionalisht këtë takim në nivelin më të lartë parlamentar e organizon çdo vit të dytë Kuvendi Nacional i Hungarisë për integrim të plotë evropian të vendeve të Ballkanit Perëndimor.
Siç paralajmëruan sot nga shërbimi për shtyp i qeverisë, kryetari i Kuvendit Xhaferi do të drejtohet në tëmën e dhënë para pjesëmarrësve nga rajoni.
Përndryshe, prezencë në takim kanë konfirmuar edhe kryetarët e Kuvendit të Republikës së Kosovës, Malit të Zi, Serbisë, Bosnjë e Hercegovinës, ndërsa në takim, kumtuan nga Kuvendi i RMV-së, do të drejtohet edhe Euro komisari për Politika të Fqinjësisë së Mirë dhe Zgjerimit, Oliver Varheji.
