Granit Xhaka ka folur për kamerat e Sky Sport në lidhje me këtë sezon të Arsenalit në Premierligë.
Mesfushori shqiptar shpreson që klubi i tij nga Londra të festojë në fund të këtij sezoni 2022/23.
Ai thotë se është tifoz i madh i ëndrrave, por kjo që po ndodh tani nuk është ëndërr, sepse ai mendon se me këtë klub mund të arrij sukseset.
“Jam tifoz i madh i ëndrrave, por kjo nuk është ëndërr, është diçka që ne mund ta arrijmë”, thotë Granit Xhaka për titullin e Premierligës.
Skuadra e Arsenalit momentalisht është në vendin e parë me 60 pikë, pesë më shumë se vendi i dytë, Manchester City (55). Sot ekipi i Artetas luan ndaj Bournemouth, në xhiron e 26-të.
