Skuadra e Bazelit është shpallur edhe matematikisht kampioni më i ri i Superligës së Zvicrës për sezonin 2024/25, teksa mposhti Luganon me rezultatin 2 me 5, në duelin e zhvilluar në stadiumin “Di Cornaredo”.
Tre golat për Bazelin në këtë triumf i shënoi ylli me origjinë shqiptare, Xherdan Shaqiri, i cili ishte padyshim lideri i kampionëve të sapo shpallur në këtë edicion. Golin e parë në këtë takim e realizoi Albian Ajeti në pjesën e parë ndërkohë në minutën e 42-të, Ajeti u ndëshkua me karton të kuq. Por, kjo nuk ishte problem aspak për Bazelin, pasi në pjesën e dytë shënoi fitore 2-5.
Me këtë fitore, Baseli shkon në kuotën e 67 pikëve në vendin e parë, duke siguruar titullin edhe matematikisht, falë diferencës 12 pikë nga Servete e vendit të dytë.
Për sa i përket Shaqirit, 33-vjeçari në këtë edicion është aktivizuar 31 ndeshje, ku ka shënuar 18 gola dhe ka asistuar 20 herë.
