Në gara, Ylli Bilallin e karakterizon një kulturë e lartë sportive, disiplinë, por edhe lëvizje të shpejta dhe gjeniale, përmes të cilave arrin t’i sfidoj edhe karateistët më të mirë në rajon dhe më gjërë
Ylli Bilalli ka vite që ushtron në Klubin e Karatesë “Bashkimi2002”, në Kumanovë.
Ndonëse në moshë të re, ai ka rënditur suksese të shumta dhe medalje të arta në garat vendore dhe ndërkombëtare.
Vite më parë ai ka marrë pjesë në kampionatin evropian në Tampere të Finlandës, duke arritur vendin e pestë më sportistët më të mirë të Evropës, rezultat që i mundësoi bursë nga Federata e Karatesë së Maqedonisë.
Në gara Yllin e karakterizon një kulturë e lartë sportive, disiplinë, por edhe lëvizje të shpejta dhe gjeniale, përmes të cilave arrin t’i sfidoj edhe karateistët më të mirë në rajon dhe më gjerë. Lëvizjet e tij me duar dhe me këmbë janë të shpejta, sakta, mjeshtërore dhe gjithmon nxjerrin pikë për fitore bindëse.
Kjo paraqitje atij i mundësoi rezultate të shkëlqyera edhe në garat botërore në Tunizi.
Gjatë vikendit, Ylli do të ndeshet në play off, në kampionatin shtetëror të Maqedonisë. Fitorja në këtë kompeticion do t’i mundësojë pjesëmarrje në garat evropiane.
Ndërkaq, ai, gjatë këtij muaji do të marrë pjesë në garat ballkanike që do mbahen në Slloveni. (INA)
