Mbrojtësi i krahut, Benjamin Pavard, është i vendosur të largohet nga skuadra e Bayern Munichut gjatë kësaj vere.
“Bild” ka raportuar të martën se Pavard tashmë ka kërkuar largimin nga klubi gjerman dhe është në pritje të ofertave të skuadrave tjera.
Mësohet se Pavard e ka deponuar kërkesën për largim pak ditë pasi e fitoi titullin e kampionit të Gjermanisë me Bayernin pasi po dëshiron që karrierën ta vazhdojë diku tjetër.
Te Bayerni thuhet se kanë aprovuar kërkesën e francezit dhe për ta lënë të lirë 27-vjeçarin këtë verë po kërkojnë rreth 30 milionë euro.
Në edicionin e fundit Pavard kontribuoi me 7 gola e 1 asistim në të gjitha garat, ndërsa me Bayernin ka kontratë deri në vitin e ardhshëm.
Ai është pjesë e klubit bavarez prej vitit 2019, kur iu bashkua nga Stuttgarti.
