Profesori dhe analisti i njohur nga Tetova, Xhelal Zejneli, ka komentuar për gazetën LAJM, zhvillimet e fundit brenda BDI-së. Ai vlerëson se përplasjet e fundit janë shumë të dëmshme subjektin dhe mund ta çojnë edhe drejt shpërbërjes partinë më të madhe shqiptare në Maqedoninë e Veriut, në dy dekadat e fundit.
“Përplasjet brenda BDI-së janë shumë të dëmshme për këtë parti dhe e dobësojnë atë. Nuk janë punë të mira për një parti që pretendon se ju prin proceseve në hapësirën politike shqiptare. Mund të ketë pasoja të rënda, sot edhe në të ardhmen. Sot shqiptarët kanë një agjende dhe kauzë të rëndësishme, siç është ajo për ndryshimet kushtetuese për t’i hapur rrugën vendit për tu integruar në BE. “Grupi i zjarrit” brenda BDI-së ka realizuar qëllimet e veta në 20 vitet e fundit dhe tani funksionon si parti në vete, jo si fraksion. Sa është Aliu, këto problem ndodhi, por merreni me mend kur mos të jetë Aliu, kësaj partie mund t’i kanoset edhe shpërbërja”, tha, mes tjerash, analisti dhe profesori nga Tetova, Xhelal Zejneli për gazetën LAJM.
