Ukraina nuk do ta zgjasë marrëveshjen e tranzitit për gazin rus përmes territorit të saj, e cila do të skadojë më 31 dhjetor, konfirmoi presidenti Volodymyr Zelensky gjatë një konference për shtyp në Bruksel.
“Ndalimi”, shtoi presidenti ukrainas, “do të zbatohet për çdo rrjedhë gazi që vjen nga Rusia për të shmangur rrezikun e shitjes së gazit rus në Evropë nën maskën e gazit të prodhuar nga Azerbajxhani”.
“Ne nuk do t’i lejojmë ata të fitojnë miliarda shtesë mbi gjakun tonë. Dhe çdo vend në botë që mund të marrë diçka të lirë nga Rusia, përfundimisht do të bëhet i varur nga ajo – qoftë kjo në një muaj apo një vit. Kjo është politika e tyre”, vazhdoi ai.
Deklarata dukej sikur ishte edhe për Robert Ficon, kryeministrin e Sllovakisë, një vend pa dalje në det që mbetet shumë i varur nga gazi rus.
