Zeqirija Ibrahimi nga Alternativa ka folur për propozimin e VMRO-DPMNE-së që Ivan Stoillkoviq të jetë ministër në Qeverinë e re.
Në DailyClick në TV21, Ibrahimi tha se nuk e pashëndetin propozimin e Qeverisë dhe se nuk kanë pretendime që t’i caktojnë kreut të VMRO-DPMNE-së, Hristijan Mickoskit se cilin duhet ta bëjë ministër.
Megjithatë kujtoi se edhe në Kosovë vazhdimisht është në pushtet partia, siç e vlerësoi edhe ai, me retorikë putiniste, të Aleksandar Vuçiqit – “Lista sërpska”.
“Nuk është një lajm i mirë, sigurisht. Ne nuk jemi duke e përshëndetur që Stoillkoviq do të jetë pjesë e Qeverisë, por dua t’jua kujtoj se “Lista sërpska”, me retorikë putiniane, me retorikë të Vuçiqit është vazhdimisht në Qeveri të Kosovës.
Por nuk është se duhet marrë shembull?
Jo, e kam fjalën që nuk jemi ne ata që gjërat që nuk janë në kompetencën tonë, t’i marrim përsipër. Sigurisht se nuk lejojmë që zotëri Mickoski të caktojë se kush duhet të bëhet ministër nga VLEN, por as ne nuk kemi pretendime që atij t’i caktojmë se bëjë ministër atë apo këtë… Sigurisht se retorika e Stoillkoviqit nuk është aspak e përshtatshme për shqiptarët dhe as për shtetin e Maqedonisë së Veriut, por as për rrethanat e fqinjësisë së mirë me Kosovën”, tha Ibrahimi./TV21
