Partia Lidhja Demokrate (DS) e Pavle Trajanov që ka një deputet në Kuvend propozon zgjedhje të parakohshme në shtator.
“Për Lidhjen Demokratike interesi kryesor kombëtar, strategjik dhe shtetëror është zhvillimi i zgjedhjeve të parakohshme parlamentare. Krahas zgjedhjeve duhet të ketë marrëveshje edhe për drejtimet strategjike të Maqedonisë që të ecë përpara! DS përfaqëson edhe kompromisin e mundshëm, të sugjeruar nga lideri i VMRO-DPMNE- zgjedhjet në shtator”, thekson partia e Pavle Trajanov që muaj më parë u largua nga Qeveria aktuale, përcjell INA.
Kjo parti, përmes një komunikate, thotë se Maqedonia deri më tani ka bërë shumë kompromise, por ndryshimi i Kushtetutës për përfshirjen e bullgarëve në të, pa reciprocitet dhe garanci nga BE-ja, nuk mund të jetë kompromis.
DS ka një plan: Së pari, një marrëveshje për qëllimet strategjike dhe reformat rrënjësore në sistemin e drejtësisë, shtetin e së drejtës; së dyti, miratimi i një Kushtetute të re, pa Badenter, balancues dhe zgjidhje të tjera që mbytin demokracinë dhe zhvillimin e shtetit; së treti, mbajtja e zgjedhjeve parlamentare në shtator.(INA)
