Zgjedhjet lokale në Shqipëri: Partitë dorëzuan listat e kandidatëve në KQZ

Picture of Iliria News Agency
Iliria News Agency

28/03/2023

Partitë politike në Shqipëri kanë dorëzuar në Komisionin Qendror të Zgjedhjeve listat me emrat e kandidatëve për kryetar të bashkive dhe anëtarë të këshillave bashkiakë për zgjedhjet e 14 majit.

Derisa partia në pushtet – Partia Socialiste (PS) – i publikoi emrat pas mbledhjes së Kryesisë mbrëmjen e 25 marsit, për Partinë Demokratike (PD) është ende e paqartë se me sa kandidatë shkon në zgjedhjet për kryetarë të 61 bashkive.

PS-ja ka vendosur të rikandidojë 44 bashkiakë aktualë. Tirana, Durrësi, Korça, Fieri, Berati janë disa nga bashkitë që Kryesia e PS-së vendosi tu besojë të njëjtëve emra.

Kështu, Erion Veliaj do të kërkojë mandatin e tretë në krye të Tiranës, Emirjona Sako mandatin e dytë në Durrës, Sotiraq Filo në Korçë, Armando Subashi në Fier, dhe Ervin Demo në Berat. Ndryshimi i madh ndodhi në Vlorë, ku prej disa kohësh kryeministri Edi Rama ka pasur përplasje me kryebashkiakun Dritan Leli. Për pasuesin e tij u zhvillua një votim në asamblenë e degës së Vlorës, ku garën me ish-deputetin, Fate Velaj e fitoi ish-diplomati Ermal Dredha. Ndërsa në Shkodër, PS-ja kërkon të marrë bastionin e PD-së me deputetin Benet Beci, i cili ka dorëzuar tashmë mandatin e deputetit.

Por, PD-ja ende nuk e ka bërë publik numrin e saktë të kandidatëve për bashkitë në të cilat do të garojë. Pas disa ditë diskutimesh dhe negociatash, ushtrues i detyrës së kryetarit të PD-së, Enkelejd Alibeaj, nuk ishte në gjendje të konfirmonte numrin e kandidatëve të kësaj force politike

“Kam dorëzuar listën me rreth 20 kandidatë, por numrin e saktë e mësoni nga Komisioni Qendror i Zgjedhjeve”, tha ai. Pas kësaj deklarate pati disa njoftime se kandidatët e Partisë Demokratike në të paktën 5 bashki janë tërhequr.

Dështimin për të dalë me 61 kandidatë, Alibeaj ia faturoi kryeministrit Rama dhe ish-kryetarit të PD-së, Sali Berisha.

“Manovrat e Ramës për stërzgjatjen e procesit gjyqësor për vulën dhe logon e PD-së, dhe përpjekjet e Berishës për të mbajtur peng selinë e partisë dhe disa prej demokratëve, e kanë sjellë partinë në këtë situatë, aspak të favorshme para zgjedhjeve të 14 majit”, tha ai.

Më 3 mars, Gjykata e Apelit në Shqipëri vendosi që ta rrëzojë vendimin e Gjykatës së shkallës së parë Tiranë, që i dha të drejtë Sali Berishës të marrë drejtimin e Partisë Demokatike (PD), si dhe vendosi që çështja të kthehet në rigjykim.

Në anën tjetër, grupimi i Berishës ka bërë aleancë me Partinë e Lirisë të Ilir Metës dhe disa parti të tjera të vogla, dhe kanë dorëzuar listën me 61 kandidatët e tyre.

Pjesa më e madhe janë përfaqësues të Partisë Demokratike, që do t’u duhet të garojnë nën llogon e një partie të majtë, pra partisë së Metës, pasi KQZ e njeh zyrtarisht Partinë Demokratike e drejtuar nga Alibeaj. Sipas marrëveshjes së arritur mes Berishës dhe Metës si drejtues të koalicionit “Bashkë fitojmë!” anëtarët e këshillave bashkiakë do të ndahen sipas përqindjes që secila forcë politike ka marrë në zgjedhjet e vitit 2015 në secilën prej bashkive.

Deri tani për kryeqytetin janë në garë 3 kandidatë: Erion Veliaj i PS-së, Belind Këlliçi i koalicionit “Bashkë Fitojmë” dhe Roland Bejko nga PD-ja.

Pak ditë më parë Ambasada amerikane apeloi që partitë politike të bëjnë kujdes në përzgjedhjen e kandidatëve dhe të zhvillojnë aktivitetet zgjedhore në përputhje me ligjin.

Aktualisht thuajse të gjitha bashkitë e vendit drejtohen nga Partia Socialiste, për shkak se opozita i bojkotoi zgjedhjet lokale të vitit 2019.

Procesi i 14 majit shënon zgjedhjet e nënta lokale që do të mbahen në Shqipëri, prej rënies së komunizmit, pa përfshirë këtu zgjedhjet e pjesshme lokale. /REL

TË FUNDIT
5 orë
‘Dorëzohet’ Mickoski: Betimin do ta bëj me emrin kushtetues
7 orë
Taravari: Prioriteti im do të jetë shëndetësia publike
10 orë
SHBA përfshin në Listën e Zezë edhe rrjetin që rriti pasurinë e Dodikit
10 orë
Qeveria miraton masa kundër të nxehtit që pritet ta përfshijë vendin
10 orë
Stoilkoviçi, Fronti Europian thirrje VLEN-it të mos hyjë në Qeveri! Mickoski: Ministrat duhet të kenë qëndrime pro-maqedonase

ME TE LEXUARA

19 orë
Euro 2024 vjen sot me dy ndeshje
10 orë
Qeveria miraton masa kundër të nxehtit që pritet ta përfshijë vendin
19 orë
Mumiet e fshatit Likovë, rasti i rrallë në vendin tonë dhe më gjerë
10 orë
SHBA përfshin në Listën e Zezë edhe rrjetin që rriti pasurinë e Dodikit
19 orë
Takimi i udhëheqësve evropianë përfundon pa dakordësi mbi propozimet për postet kyçe të BE-së
7 orë
Taravari: Prioriteti im do të jetë shëndetësia publike
18 orë
Kush janë kompanitë farmaceutike në Maqedoninë e Veriut që qarkullojnë miliona euro
5 orë
‘Dorëzohet’ Mickoski: Betimin do ta bëj me emrin kushtetues

LEXO MË SHUMË

Mickoski

‘Dorëzohet’ Mickoski: Betimin do ta bëj me emrin kushtetues

arben taravari

Taravari: Prioriteti im do të jetë shëndetësia publike

Dodik

SHBA përfshin në Listën e Zezë edhe rrjetin që rriti pasurinë e Dodikit

moti Vapa nxehti temperaturat

Qeveria miraton masa kundër të nxehtit që pritet ta përfshijë vendin

ivan stoilkoviq

Stoilkoviçi, Fronti Europian thirrje VLEN-it të mos hyjë në Qeveri! Mickoski: Ministrat duhet të kenë qëndrime pro-maqedonase

sylvinjo silvinjo

Sylvinho para sfidës me Kroacinë: Do të jetë vendimtarja!

nato-mkd-zname

Maqedonia e Veriut në vendin e 11-të në NATO sipas përqindjes së BPV-së dedikuar për mbrojtjen

moti nxehti temperatura-termometri

Mbi 40 gradë Celsius – Nga e enjtja vendi në alarmin portokalli

Kuvendi parlamenti maqedoni

Dorëzohet në Kuvend përbërja e re e Qeverisë, pritet caktimi i seancës

INFO

NA NDIQ