Zhbogar: Shpresojmë që këtë vit të fillojmë negociatat e Maqedonisë së Veriut me BE-në

0

Reformat e vazhdueshme dhe rezultatet e prekshme të Republikës së Maqedonisë së Veriut do të kontribuojnë në përparimin e vendit. Bashkimi Evropian së shpejti do të prezantojë kornizën e bisedimeve dhe shpresojmë që këtë vit të hapim negociatat, tha ambasadori i BE-së Samuel Zhbogar gjatë vizitës së sotme zyrtare në komunën e Rankovcës.

Zhbogar mori pjesë në fillimin zyrtar të punimeve të ndërtimit në një sistem ujitës modern për rreth 200 hektarë tokë të punueshme në Rankovcë, pjesë e projektit të Bashkimit Evropian për ndërtimin e “Sistemeve të vaditjes me pakicë, ekologjikisht të pranueshme” i financuar nga programi IPA për bujqësinë dhe zhvillimi rural, me vlerë prej 1.7 milion euro.

“Bujqësia është një nga kapitujt që duhet të diskutohen në negociatat para-pranuese për pranimin në BE, dhe unë rekomandoj që vendi të jetë i përgatitur mirë. Unë inkurajoj qeverinë dhe institucionet përkatëse të reformojnë dhe krijojnë shoqata të menaxhimit të ujit dhe ruajnë këtë burim të vlefshëm sepse bujqësia është sektori më i ndjeshëm i prekur nga ndryshimi i klimës, i cili do të ndikojë në mungesën e ujit dhe thatësirën. Vendosja e sistemeve të mira ujore është thelbësore, por ka edhe segmente të tjera, siç janë copëzimi i tokës bujqësore, tokat e pa punuara dhe të ngjashme, kështu që institucionet duhet të merren me të”, shtoi Zhbogar.