Futbollisti i Kosovës Edon Zhegrova, ishte mysafir në emisionin Sports Show në Klan Kosova.
Zhegrova tha gjatë intervistës se ëndrra e tij është që të luajë për Barcelonën.
“Unë jam duke punuar shumë. Kam bërë progres në anën fizike dhe taktike. Nuk do të ndalem derisa të arrijë atje. Por, në futboll nuk i dihet. Po shpresoj që ta kem shëndetin, të vazhdojë të punojë dhe pastaj tjerat vijnë”, tha Zhegrova në Sports Show në Klan Kosova.
Ai është bërë një lojtar kyç i skuadrës së Lille.
24-vjeçari ishte protagonist në dy ndeshje për skuadrën franceze.
Edon Zhegrova, javën e kaluar realizoi dy gola kundër Lorient duke ia mundësuar fitoren ekipit të tij.
Edhe sot Zhegrova, ishte kreator i fitores së Lille, e cila fitoi me përmbysje ndaj Montpellier me rezultat 2:1/ Klankosova.tv
