Pesë shtëpi janë përfshirë nga flakët nga zjarri që shpërtheu në lagjen Kolltuk të Tetovës. Mësohet për dëme të mëdha materiale, ndërsa një person ka përfunduar në spital me djegie në fytyrë dhe në trup, por për fat të mirë ndodhet jashtë rrezikut për jetën.
Denoncimi ka qenë mbrëmë në ora 19:05, ndërsa për pak minuta kanë arritur në vendngjarje zjarrfikësit. Zjarrfikësit, pas dy orësh, kanë arritur të vënë nën kontroll flakët e zjarrit, por rrugët e ngushta të lagjes dhe shtëpitë afër njëra-tjetrës kanë vështirësuar tej mase punën e tyre.
“Kemi bërë punë të madhe. Zjarri do ta përfshinte tërë lagjen”, u shpreh shefi i Zjarrfikësve, Uka Aliti teksa raportonte për gjendjen para kreut të Tetovës, Bilall Kasami.
Deri më tani nuk dihen ende shkaqet e vërteta të zjarrit, një grup hetimor ndodhet në vendngjarje. (INA)
