Pushimi i shkurtër në autostradë një zvicerani në Argau i kushtoi 10 mijë franga gjobë. Zvicerani për shkak të një defekti kishte ndaluar makinën në një korsi në autostradën A2, por nga lodhja ate më pas e zë gjumi.
Sipas “Aargauer Zeitung”, pushimi i shkurtër i kushtoi atij një gjobë prej 10,000 CHF dhe një gjobë tjetër prej 2,600 CHF.
Zyra e prokurorit publik të Nidwalden e dënoi burrin, i cili ishte duke u kthyer nga Chiasso për në Aargau, për “drejtim të pakujdesshëm të automjetit në gjendje jo të rregullt”, shkruan 20minuten, përcjell Albinfo.ch.
Përveç kësaj, ai u shpall fajtor për shkelje të thjeshta të qarkullimit rrugor duke “ndaluar në mënyrë të paligjshme”.
Sipas autoriteteve zvicerane, gjatë 2020 si pasojë e lodhjes së drejtuesve të makinave kanë ndodhur aksidente me pasoja të rënda, shtatë të vdekur dhe 100 të plagosur. Kjo është rreth 3.5% e të gjitha viktimave në aksidente të rënda që përfshijnë drejtues mjetesh motorike, shkruan 20minuten.
