“Tabletat e jodit përdoren në rast të ndonjë aksidenti të rëndë që mund të shpërthejë në ndonjë central bërthamor meç`rast shkaktohet dalja e jodit radioaktiv nga centrali në fjalë”
Gjatë periudhës së luftës së ftohtë, në vitet e pas Luftës së Dytë Botërore, frika nga sulmi bërthamor ishte një çështje përditshmërie në gjithë Evropën. Edhe në Zvicër, po ashtu
Tani frika e shpërthimit të një lufte bërthamore është bërë përsëri aktuale, pasi Presidenti rus Vladimir Putin ka vënë forcat bërthamore në gatishmëri të lartë.
Ndonëse sulmi i vërtetë atomik është vështirë i imagjinueshëm, në një situatë të tillë, në Zvicër kanë nisur të shtrohen pyetje e kërkesa rreth mbrojtjes së mundshme nga një sulm i tillë, shkruan albinfo.ch.
Mediat e vendit shkruajnë përt një rritje të madhe të kërkesave për tableta jodi. “Farmacitë zvicerane po raportojnë një kërkesë të shtuar për tableta jodi”, raporton watson.ch.
Një “kërkesë e fortë dhe në rritje” ndihet barnatoren në Stadelhofen, Cyrih. Ditët e fundit kanë ardhur shumë njerëz dhe janë informuar për tabletat e jodit, thotë Leo Grossrubatscher, menaxher i farmacisë. Disa prej tyre vinin menjëherë me kuponin e racionit dhe merrnin pa pagesë paketën me “jodur kaliumi”.
“Kemi gjithashtu një numër të konsiderueshëm klientësh nga jashtë që duan të blejnë tableta jodi”, thotë farmacisti, transmeton albinfo.ch. Këta shpesh nuk kanë recetë, prandaj tabletat jepen vetëm në raste të jashtëzakonshme. Një paketë kushton pesë franga.
“Tabletat e jodit përdoren në rast të ndonjë aksidenti të rëndë që mund të shpërthejë në ndonjë central bërthamor meç`rast shkaktohet dalja e jodit radioaktiv nga centrali në fjalë”, shkruan Zyra Federale e Shëndetit Publik (BAG).
“Ato parandalojnë jodin radioaktiv që të grumbullohet në gjëndrën tiroide dhe të shkaktojë kancer të tiroides”.
Sipas BAG, rreth 4.9 milionë njerëz në Zvicër duhet të jenë furnizuar tashmë me tableta jodi në familjet e tyre, transmeton albinfo.ch. Në vitin 2014, qeveria federale pati shpërndarë tabletat për të gjitha familjet brenda një rrezeje prej 50 kilometrash nga një termocentral bërthamor.
Tabletat kanë një jetëgjatësi prej dhjetë vjetësh dhe më pas duhet të zëvendësohen. Për këtë arsye, qeveria federale do të shpërndajë tabletat e jodit në familjet e prekura përsëri në vitin 2024.
