Klubi rumun, CFR Cluj ka njoftuar zyrtarisht transferimin e mbrojtësit shqiptar, Arlind Ajeti, i cili vjen nga Perdonone si lojtar i lirë.
Ajeti ka ndryshuar ambient duke u transferuar nga futbolli italian tek ai rumun apo më saktë në Superligën e Rumanisë.
Mbrojtësi shqiptar është zyrtarizuar sot (e martë) nga skuadra e re, CFR Cluj, e cila ka njoftuar transferimin në rrjetet sociale.
“Me kënaqësi ju njoftojmë se Arlind Ajeti është lojtari i ri i ekipit tonë!”, thuhet në njoftimin e CFR Cluj.
Klubi rumun njoftoi se qendërmbrojtësi me origjinë shqiptare, i lindur në Zvicër ka luajtur në Serie A për Torinon, Frosinonen dhe Crotone, ndërsa gjatë karrierës së tij, ai edhe në Zvicër për Grassoper, por edhe për FC Basel, skuadër me të cilën ka fituar 4 herë titullin dhe ka luajtur ndeshje në Ligën e Kampionëve dhe Ligën e Evropës.
https://www.facebook.com/cfr1907/posts/654980313325929?ref=embed_post
Ajeti gjithashtu ka luajtur me kombëtaren e Shqipërisë, duke zhvilluar 21 ndeshje dhe duke qenë pjesëmarrës në Euro 2016.
Mbrojtësi nga Kosova te CFR Cluj do ta takojë bashkatdhetarin e tij, Ermal Krasniqi, i cili vitin e kaluar kompletoi transferimin nga Ballkani.
