Armando Broja nuk do të jetë gati në kohë për të qenë mes të grumbulluarve të Silvinjos për takimet e para të Shqipërisë në Eliminatoret e Botërorit 2026.
Sulmuesi shqiptar po rikuperon më shpejt nga ç’pritej dëmtimin e pësuar në kavilje, por mjekët nuk presin që ai të rikthehet në kohë për takimet e Shqipërisë me Anglinë dhe Andorrën.
Një parashikim rreth datës së rikthimit të Brojës në fushë ka bërë edhe Dejvid Mojes. Trajneri i Evertonit bëri me dije se:
“Armando mund të rikthehet pas pushimit të Kombëtareve. Kishte shumë pak shanse që të rikthehej këtë javë, por duke ndjekur buletinin e mjekëve kam mësuar se do të jetë gati pas ndeshjeve të Kombëtareve”.
