Ish-Presidenti Hashim Thaçi ndodhet sot në Kosovë. Kjo është hera e tij e parë në vend, prej nëntorit të vitit 2020, kur u arrestua.
Thaçi që mbahet në paraburgim në Hagë, ka ardhur sot në Kosovë.
Informacionin e ka konfirmuar për Gazetën Express Angela Griep, zëdhënëse e Dhomave të Specializuara të Kosovës.
Në një përgjigje me shkrim, zëdhënësja Griep ka deklaruar se Thaçi për arsye bindëse dhe humanitare ndodhet për vizitë në familjen e tij.
Raportohet se shkak i vizitës së tij është sëmundja e nënës.
