Periudhë rinovimesh te Real Madrid. Pasi “blindoi” Vinicius Junior deri në 2027, presidenti Florentino Perez ka zgjatur bashkëpunimin edhe me Rodrygon, sulmuesin tjetër brazilian të skuadrës së Carlo Ancelottit.
22-vjeçari do të jetë e “Los Blancos” deri në verën e vitit 2028 sipas akordit të arritur mes palëve komunikatës zyrtare të klubit historik.
Në pesë sezonet me Realin, Rodrygo ka zhvilluar 179 ndeshje, ka shënuar 39 gola dhe ka fituar plot 8 trofe. Champions League, Botërorin për Klube, Superkupën e Europës, La Ligan (2x), Kupën e Mbretit dhe Superkupën e Spanjës (2x).
Ai është gjithashtu pjesë e kombëtares së Brazilit, aty ku regjistron katër gola në 18 ndeshje të luajtura me skuadrën seleçao.
