Futbollisti Zlatan Ibrahimoviq ka njoftuar se do të pensionohet nga futbolli aktiv.
Këtë ai e ka bërë të ditur në ceremoninë përmbyllëse që skuadra e Milanit ka organizuar për të.
Ibrahimoviq e përmbylli një karrierë të bujshme duke fituar kudo ku shkoi.
“Herën e parë që erdha në Milano, më dha lumturi. Herën e dytë më dhurove dashuri. Nga zemra, dua t’i falënderoj fansat. Më pritët krahëhapur, më bëtë të ndihem si në shtëpi. Do të jem tifoz i Milanit për gjithë jetën. Është koha t’i them lamtumirë futbollit, jo ty”, tha Ibrahimoviq.
Suedezi gjatë gjithë karrierës i zhvilloi 819 ndeshje, teksa i shënoi 493 gola. /Klankosova.tv.
