Kryeministri i Republikës së Kosovës Albin Kurti ka lansuar projektin e ri që garanton punë dhe të ardhura të sigurta për të rinjtë.
“Qeveria për rininë. Qeveria për punësimin.
Pas masave të punësimit për gratë, personat me aftësi të kufizuara dhe familjet pa asnjë anëtarë të punësuar, nga sot e filluam dhe masën e radhës, atë të Punësimit të Garantuar për të Rinjtë.
Rininë e kemi aset të së tashmes e potencial të së ardhmes. Kujdesi, vëmendja dhe investimi ynë në ta sot, është angazhimi, kontributi dhe investimi i tyre në vendin tonë nesër.
Për çdo të ri apo të re të punësuar përmes platformës SuperPuna, Qeveria e jonë do të subvencionojë 264 euro të pagës nga punëdhënësi për gjashtë muajt e parë. Synimi ynë është që brenda vitit të parë të zbatimit të kësaj mase të ofrojmë mbështetje për deri në 10 mijë vende të reja të punës të rinjtë tanë mes moshës 18-25 vjeç”, ka shkruar Kurti. (INA)
Linku i platformës: https://superpuna.rks-gov.net/