Zëvendëskryeministri i qeverisë, Izet Mexhiti ka uruar Shqipërinë për hapjen e kapitullit të parë të negociatave për anëtarësim në Bashkimin Evropian.
“Në emër të Qeverisë të Maqedonisë së Veriut, përgëzoj Shqipërinë për hapjen e kapitullit të parë të negociatave për anëtarësim në Bashkimin Evropian. Kjo është një ditë e madhe për Shqipërinë dhe kombin shqiptar kudo në botë, dhe një datë e shënuar në historinë moderne të shqiptarëve”, ka shkruar Mexhiti.
Sipas tij hapja e kapitullit të parë negociues është sukses për institucionet dhe udhëheqësit e shtetit shqiptar.
Njëkohësisht, siç thotë Mexhiti ky sukses paraqet një motiv shtesë për Maqedoninë e Veriut që të vazhdojë me përpjekjet politike dhe diplomatike për të nisur negociatat nëpër kapituj për anëtarësim sa më të shpejtë në BE.
“Si zëvendës kryeministër në Qeverinë e re të Maqedonisë së veriut, i siguroj të gjithë qytetarët se Qeveria do të vazhdojë të punojë me dinamikë të shtuar për të gjetur zgjidhje ndaj kontestit ndërshtetëror me Republikën e Bullgarisë duke miratuar ndryshimet kushtetuese në një afat sa më të shkurtër kohor”, vazhdon Mexhiti, duke theksuar se “Dëshpërim nuk ka! Procesi europianizues kthim mbrapa nuk ka! Vazhdojmë përpara më fuqishëm, më të vendosur, më të bashkuar së kurrë!