Departamenti i Policisë Kriminale – Sektori për krim ekonomik dhe korrupsion, në koordinim me Departamentin për luftimin e krimit të organizuara dhe të rënda, në Prokurorinë Themelore Publike Shkup ka dorëzuar kallëzim penal kundër kryetarit të njërës komunë nga Shkupi, pesë persona të punësuar në Sektori për urbanizëm në të njëjtën komunë dhe person juridik nga Shkupi për shkak të dyshimit se kanë kryer veprën penale “keqpërdorim i pozitës dhe autoritetit zyrtar”.
“Konkretisht, pas kërkesës për përcaktimin e gjendjes juridike të objektit pa leje nga personi juridik i regjistruar, pesë punonjës të komunës së raportuar kanë shkuar në vend, është bërë procesverbal për këqyrje në vendngjarje, sipas të cilës në kundërshtim me Ligjin për Ndërtim dhe Ligjin për Forcimin e statusit juridik të objekteve të ndërtuara pa leje, kanë konstatuar se gjoja objektet sportive dhe rekreative – fusha tenisi i plotësojnë kushtet për legalizimin e tyre, edhe pse objektet e tilla janë objekte të përkohshme dhe nuk mund t’i nënshtrohen legalizimit, pas së cilës kanë përgatitur dhe së bashku me kryetarin e paraqitur kanë nënshkruar një pëlqim urbanistik dhe pas pagesës së taksës së caktuar në pronë kanë përgatitur dhe nënshkruar vendimin për përcaktimin e gjendjes juridike të objektit pa leje”, thuhet në njoftimin e sotëm nga Ministria e Brendshme.
Në këtë mënyrë i kanë mundësuar personit juridik të regjistruar që të regjistrojë objektet e pretenduara pa leje në sipërfaqe të përgjithshme prej 3993 metrash katrorë, përkatësisht përfitim pasuror të kundërligjshëm në shumë prej 147.341.700 denarë.
