Nga Alternativa njoftuan se me ftesë të kryetarit të Kuvendit Afrim Gashi, kryetari i partisë Zeqirija Ibrahimi mori pjesë në aksionin për dhurimin e gjakut, e organizuar nga Klinika e Transfuziologjisë.
“Kryetari i Alternativës, Zeqirija Ibrahimi, iu përgjigj ftesës së Kryetarit të Kuvendit, Afrim Gashi, për të marrë pjesë në aksionin e dhurimit të gjakut, të organizuar nga Dr. Amir Elezi, Drejtor i Klinikës së Transfuziologjisë. Ky aksion ishte i dedikuar për deputetët dhe të punësuarit e Kuvendit republikan. Zeqirija Ibrahimi theksoi se dhurimi i gjakut është një akt humanitar që përfiton jo vetëm pranuesi, por edhe vetë dhuruesi”, thuhet mes tjerash në njoftimin e AAA-së.
