“Me miratimin e ndryshimeve ligjore në Kuvend u hap rruga për ndërtimin më të shpejtë dhe më të lirë të autostradave të korridoreve 8 dhe 10D në Maqedoni. Ky është projekti më i madh strategjik dhe infrastrukturor në vend”.
Këtë e theksoi mbrëmë në një tubim me qytetarët, Sanja Lukarevska, nënkryetare e Bashkimit Socialdemokrat të Maqedonisë (LSDM).
Ajo tha se në ndërtimin e korridoreve do të përfshihen edhe kompanitë vendase, të cilat do të hapin 8 mijë vende të reja të punës dhe investime të reja në vlerë prej 1.3 miliardë euro.
Sipas saj, parashikohet rritje e GDP-së prej 2 për qind në vit në pesë vitet e ardhshme. (INA)