Mira Murati, ish-drejtoreshë teknike e OpenAI, ka krijuar një startup të ri të quajtur “Thinking Machines Lab”, i cili synon të mbledhë 1 miliard dollarë financim dhe të arrijë një vlerësim prej 9 miliardë dollarësh.
Ky sukses i mundshëm është i rrallë për një kompani më pak se një vjeçare, duke treguar besimin e madh të investitorëve në projektin e ri.
Murati, e njohur për kontributin e saj në zhvillimin e ChatGPT, dëshiron të krijojë sisteme AI më të thjeshta, më të personalizueshme dhe më të qasshme për të gjithë. Ajo ka theksuar se qëllimi i “Thinking Machines Lab” është të kapërcejë kufizimet aktuale të AI dhe ta bëjë teknologjinë më të dobishme për përdoruesit.
Me përvojën dhe vizionin e saj të fortë, startup-i i Muratit pritet të sjellë risi të mëdha dhe të bëhet një lojtar kyç në të ardhmen e inteligjencës artificiale. Të gjithë sytë janë tani te “Thinking Machines Lab”dhe potenciali që ka për të transformuar industrinë globale të teknologjisë.
