Shiu që ka rënë që nga mëngjesi i sotëm në Shkup nuk do të ndihmojë shumë në shuarjen e zjarreve në deponitë e Drisllës dhe Vardarishtës, të cilat kanë vazhduar prej disa ditësh, vlerëson drejtori i Drejtorisë për Mbrojtje dhe Shpëtim (DMSH), Stojançe Angellov.
Ai thotë se ditët e kaluara janë hedhur ton e ton ujë, por tymi vazhdon. Meqenëse shuarja me ujë nuk dha rezultate, është filluar me mbulimin e pjesës më kritike të deponisë.
Angellovi për sot në mesditë ka paralajmëruar një konferencë për shtyp, në të cilën në mënyrë të hollësishme do të informojë për të gjitha aktivitetet që po ndërmerren në deponitë e Drisllës dhe Vardarishtës.
Në pjesën qendrore të deponisë Drislla ende po digjet në një sasi e madhe mbeturinash, duke lëshuar tym të dendur që mund të ndihet në disa pjesë të Shkupit.
Ndërkohë vazhdojnë aktivitetet për mbushjen e Drisllës vazhdojnë dhe pritet të intensifikohen gjatë ditës. Për sot janë planifikuar disa aktivitete shtesë edhe në deponinë ilegale të Vardarishtës.
Angellovi dje deklaroi se ka indikacione se zjarri është vënë qëllimisht sepse gjatë verës, kur kishte temperatura të larta deponia nuk u vetëndez.
