Koalicioni “Fronti Evropian” i udhëhequr nga BDI ende s’ka vendosur se si do të pozicionohet në raundin e dytë të zgjedhjeve për kryetar të shtetit.
Kreshnik Bekteshi nga BDI theksoi mbrëmë në Top Tema në TV Telma tha se personalisht dëshiron të dëgjojë qëndrimet e Pendarovskit dhe Siljanovska-Davkovës në lidhje me kërkesën e partive të shqiptarëve për zgjedhjen e kryetarit të shtetit në Kuvend para se të vendosë se kë do ta përkrahin.
Ky, siç tha ai, është qëndrimi i tij personal, duke qenë se liderët e partive brenda “Frontit Europian” ende nuk e kanë diskutuar këtë temë.
“Për raundin e dytë të zgjedhjeve presidenciale, ende nuk është zhvilluar një takim me kryetarët e partisë ‘Fronti Evropian’. Të gjitha opsionet e mundshme do të merren parasysh. Mendimi im personal si anëtar i Kryesisë së BDI-së është se vendi ynë nuk ka nevojë për kriza shtesë dhe duhet të gjenden zgjidhje, të diskutohen platformat që përdorin kandidatët në zgjedhjet presidenciale. Mendoj se duhet të kërkohet nga të dy kandidatët që të shprehin qëndrimin e tyre përfundimtar lidhur me kërkesën për zgjedhjen e kryetarit në Kuvend dhe me Badenterin, që ka qenë kërkesa jonë dhe e Taravarit”, thotë Bekteshi.(INA)