Ari u rrit në një rekord të ri mes tensioneve të vazhdueshme në Lindjen e Mesme, pasi tregtarët peshuan gjithashtu të dhënat e SHBA që mbajtën gjallë bastet për një ulje të normës së Rezervës Federale, raporton Bloomberg.
Çmimi i arit është rritur në nivel rekord këto ditë, dhe tregtohet në bursa 2696 dollarë për onz, pasi Izraeli tha se kishte vrarë liderin e Hamasit, Yahya Sinwar, arkitektin e sulmit të grupit palestinez në Izraelin jugor që shkaktoi një luftë njëvjeçare në Gaza.
Investitorët zakonisht kërkojnë siguri në metalin e çmuar në kohë pasigurie gjeopolitike dhe ekonomike.
Më herët të enjten, të dhënat treguan se shitjet me pakicë në SHBA u forcuan në shtator me më shumë se sa pritej në një përparim të gjerë.
Kina është sot blerësi më i madh i lingotave të arit dhe argjendit, pasi vendi kaloi Indinë në vitin 2023, në tregun e bizhuterive.
Konsumatorët kinezë u renditën në krye, pasi blenë 603 tonë ar vitin e kaluar, me rritje10% nga viti 2022.
Analistët në SHBA parashikojnë shtrenjtim të mëtejshëm gjatë këtij viti, me çmimin që mund të arrijë deri në 3000 dollarë për onz.(INA)
