Shkruan: Kemajl Goca
Dragan Stojkoviqi nuk është më selektor i Serbisë në futboll.
Shkak shqiptarët, ai jep dorëheqje!
Shqiptarët e rrëzuan nga pozita me humbjen që i shkaktuan Serbisë në Leskovc me rezultat 1:0.
Stojkoviqi për tri arsye do t’i mbajë mend shqiptarët!
E para, lidhet në edicionin 1984-1985 kur ishte ushtar në Prishtinë.
Ishte në shërbimin ushtarak të ish Jugosllavisë!
Aty ka stërvitur me gjeneratën e artë të futbollit të Prishtinës, me kapitenin Fadil Vokrri.
E dyta, në pranverën e vitit 1999 doli kundër NATO-s, aleancë e cila e bombardoi Serbinë për gjenocidë ndaj popullit shqiptar në Kosovë.
E treta, Xherdan Shaqiri dhe Granit Xhaka me Zvicrën, i shkaktuan humbje (3:2) me 2 dhjetor të vitit 2022 në Doha të Katarit, në kuadër të Kampionatit Botëror dhe e eliminuan në fazën e grupit.
Shaqiri shënoi gol, ndërsa Stojkoviqi shau me nënë shqiptarët gjatë ndeshjes ku u dëgjua hapur në ekranet televizive.
E katërta, mbrëmë përjetoi fiaskon më të madhe në karrierën e tij.
Shqipëria e mposhti me rezultat 1:0 Serbinë në Leskovc në kuadër të ndeshjes së Grupit K të kualifikueseve në Kampionatin Botëror.
Sulmuesin Rei Manajn do të mbajë mend gjatë, si djaloshi që e çoi në shtëpi.
Stojkoviqi jep dorëheqje nga posti i selektorit.
