-Dua të ju informoj që paga minimale më e ulët se tek ne është në Shqipëri, më e ulët se tek ne është në Bullgari, më e ulët se tek ne është në Serbi, tha mes tjerash ministri i Ekonomisë dhe Punës, Besar Durmishi gjatë pyetjeve të deputetëve nga opozita, konkretisht në debatin që kishte me deputeten e LSDM-së, Jovana Trençevska në lidhje me pagën minimale në vend, përcjell TV21. Durmishi tha se propozimi për rritje të pagës minimale pa bazë do të paraqiste problem pasi kompanitë e vogla dhe të mesme do të hasnin në probleme financiare, me çka do të duhej të bënin përjashtime të punëtorëve nga puna dhe kjo do të shkaktonte rritje të inflacionit.
“Po Shqipëria ka thënë se do ta rrisë pagën minimale, po do e rrisë, por për momentin është mbas neve, dhe po ne jemi mbas Kroacisë, Sllovenisë, për arsye që paga minimale përllogaritet në bazë të zhvillimit ekonomik, në bazë të standardit jetësor”, tha mes tjerash Durmishi.
