E ftuar sot në emisionin “Pardon My French” për një intervistë ekskluzive me Jonida Aliçkollin dhe Lei Krajën ka qenë ish-finalistja e edicionit të katërt të “Big Brother VIP”, Egli Tako. Artistja e njohur ka zbuluar shumë detaje jo vetëm për karrierën e saj muzikore, eksperiencën në shtëpinë më të famshme, jetën personale dhe jo vetëm kaq…
Një vend të veçantë zë edhe aktrimi për të duke qenë se edhe ka studiuar, pavarësisht muzikës mendon Egli që të jetë pjesë e kinematgrafisë në të ardhmen?
Po e them këtu ekskluzivisht, jam në bisedime në lidhje me një projekt kinematograik. Nuk kam vendosur diçka konkrete akoma, por jam duke pritur që ti hedh një sy skenarit që ta lexoj sepse është hapi i parë që bëhet në fakt për të parë nëse të përshtatet ose jo. Por që po dhe në fakt është diçka që unë mendoj që e kam manifestuar pa e manifestuar sepse unë gjithmonë e kam parë veten në projekte kinematografike dhe është një pjesë e imja, shkollimi im kështu që e dua shumë. Pse jo.
A do ta merrte në konsideratë Egli tani nëse do t’i vinte një ftesë për të luajtur në një shfaqje në teatër?
Absolutisht që po, unë kam luajtur në teatër dhe do të vazhdoja që të luaja me shumë dëshirë sepse teatri është i jashtëzakonshëm, është i prekshëm. Komplet një tjetëer ndjesi.
