Vivian Wilson, vajza transgjinore e miliarderit Elon Musk, e ka hedhur poshtë mundësinë e kolonizimit të planetit Mars, duke akuzuar babanë e tij se këtë po e bën “për çështje marketingu”.
“Është një skemë marketingu që të gjithë ranë në njëfarë mënyre… S’ka kolonizim të Marsit. Ajo s’do të ndodhë njerëz, është skemë marketingu, a e dini sa gjatë do të zgjasë kolonizimi i marsit”, ka deklaruar ajo në një ‘livestream’ në internet.
Musk ka folur shpesh për planet ambicioze për të kolonizuar planetin e kuq deri në vitin 2050, duke thënë se e paramendon një qytet me një milion banorë në sipërfaqe.
Ai ka njoftuar se anijet kozmike do të niseshin për në Mars në fund të 2025-s, duke mbajtur në bord një robot humanoid të quajtur Optimus. Nëse ky mision do të shkonte mirë, Musk ka njoftuar se njerëzit mund të nisin të zbarkojnë në këtë planet në 2029-n.
Wilson ka marrë famë me deklarimet kontroverse dhe ato kundër babait të saj. Ajo e ka akuzuar babanë se ka sjellje të rreptë ndaj punonjësve në kompani.
