Në familjen e fituesve të lotarisë instant të Lotarisë Shtetërore iu bashkua edhe një fituese e re me fat — K.T. nga Manastiri, e cila me vetëm një lozh të gërvishtur fitoi veturën e saj të re FORD KUGA, nga lozha instant “Titanium”.
“Luaj rregullisht, por kjo është hera e parë që fitoj. Kësaj radhe, fati erdhi edhe tek unë,” na rrëfeu K.T. me buzëqeshje. Fitorja e saj nuk është vetëm një veturë — ajo është simbol i besimit, këmbënguljes dhe gëzimit.
Gjithçka filloi si një ditë e zakonshme — një ekskursion njëditor drejt Shtipit, me një shoqe. Fillimisht vizituan një manastir në afërsi, pastaj shijuan pastërmajlijën tradicionale të Shtipit, dhe gjatë një shëtitjeje të shkurtër nëpër qytet arritën në pikën shitëse “Studio 25 Production – 5” në zemër të Shtipit. Pikërisht aty, K.T. bleu disa lozha instant, ndër to edhe atë fituesen “Titanium”.
“Rastësisht ndaluam përpara pikës së shitjes së Lotarisë Shtetërore dhe vendosa të blej disa lozha instant, sepse lojërat e fatit janë pjesë e përditshmërisë sime, ashtu si edhe të familjes sime. Kur e gërvishta lozhën dhe kuptova që fitova — një veturë të re — ndjeva një gëzim dhe emocion që mezi mund t’i përshkruaj,” tregon K.T.
Kjo nuk është fitimi i parë në familjen e saj. Para pak kohe, djali i saj kishte fituar një shumë prej 10.000 denarësh, gjithashtu nga një lozhë instant. Familja e tyre vazhdimisht i luan numrat e tyre me fat në LOTO 7 përmes loto.mk, dhe çdo short sjell emocione dhe shpresë të re.
“Luaj prej vitesh, nga dashuria për lojën. Është një ritual, një moment emocionues, plot shpresë dhe argëtim. Dhe tani, kur fati më buzëqeshi përnjëmend, ndjesia është e jashtëzakonshme,” shton ajo.
K.T. është dëshmi që fati nuk pyet se ku ndodhesh — ai vjen kur më së paku e pret. Nga Manastiri në Shtip, nga një shëtitje e zakonshme në një fitore të madhe, historia e saj është frymëzim për të gjithë ata që besojnë në fat.
Mesazhi i saj për të gjithë lojtarët e lojërave të fatit:
“Fati është kudo rreth nesh, vetëm duhet ta gjejmë.”
Lotaria Shtetërore vazhdon të gëzojë lojtarët e saj me fitore që sjellin buzëqeshje, emocion dhe fillime të reja. Lozha instant “Titanium” është vetëm një nga shumë mënyrat me të cilat fati mund të trokasë në derën tuaj.
“Fati është kudo.”
Lotaria Shtetërore
