Kryetari i Komunës së Çairit, Izet Mexhiti, po vazhdon me realizimin e projekteve infrastrukturore në të gjithë territorin e komunës, ashtu siç kishte premtuar para zgjedhjeve lokale të 19 tetorit, të cilat i fitoi bindshëm.
Në një video të publikuar në faqen e tij zyrtare në facebook, Mexhiti ka ndarë pamjet nga puna në terren, ku shihet përfundimi i rrugës “Stojna Stefkova” në lagjen Çairçanë, një investim që sjell standarde të reja infrastrukturore, siguri dhe komoditet për banorët.
“Çairi po ecën përpara, çdo ditë me projekte që përmirësojnë jetën në çdo lagje!”, ka theksuar Mexhiti, duke nënvizuar se angazhimi i tij dhe i ekipit komunal do të vazhdojë me të njëjtin ritëm në çdo cep të komunës.
Ky projekt sipas Mexhitit është pjesë e planit të gjerë të zhvillimit urban të Komunës së Çairit, i cili synon modernizimin e infrastrukturës rrugore dhe përmirësimin e kushteve të jetesës për të gjithë qytetarët.
