Kandidati i koalicionit VLEN për komunën e Çairit, Izet Mexhiti, në hapjen e shtabit zgjedhor në lagjen Serovë, që mban emrin e heroit kombëtar Adem Jashari, deklaroi se rritja e këtij fronti politik është e pakthyeshme.
“Shtab pas shtabi, po tregohet qartë se VLEN ka marrë besimin e qytetarëve. Ky është sinjali i fuqishëm se Çairi është në anën tonë, në anën e drejtë, në anën e fitores”, u shpreh Mexhiti.
Ai theksoi se në këtë rrugë po bashkohen lagjet, po bashkohen familjet dhe mbi të gjitha po bashkohet Çairi.
“Me VLEN-in do të fitojë secila lagje, do të fitojë secila familje, dhe mbi të gjitha do të fitojë Çairi. Sepse ky është vullneti i qytetarëve dhe ky është premtimi ynë i palëkundur. Bashkë do të fitojmë! Vetëm për ty Çair!”, tha mes tjerash Mexhiti. (INA)
