Kiara Tito ka ndarë me ndjekësit e saj një moment të ëmbël familjar që ka përlotur rrjetin. Në një postim në Instagram, ajo shfaqet së bashku me partnerin e saj, Luizin, dhe vajzën e tyre të vogël, Lunën, në një atmosferë të ngrohtë e plot dashuri.
Në foto, familja shihet duke përjetuar një ditë të qetë në shtëpi, ndërsa vëmendjen e kanë marrë dy “anëtarët më të rinj” të familjes – dy papagaj të vegjël me emrat Lulu dhe Luki. Kiara i prezantoi me fjalët:
Njihuni me Lulu & Luki, anëtarët më të rinj dhe më të zhurmshëm të familjes.
Në një nga fotot, Luna shihet e mahnitur teksa i vështron papagajt që fluturojnë, duke dhuruar një moment të sinqertë e të paharrueshëm për ndjekësit.
Postimi i Kiarës është pritur me shumë dashuri nga fansat, të cilët kanë komentuar për ngrohtësinë dhe harmoninë që mbizotëron në familjen e saj dhe të Luizin.
Çifti, që prej lindjes së Lunës, vijon të ndajë momente të veçanta me publikun, duke treguar se jeta familjare u ka dhënë më shumë lumturi se kurrë më parë.
