Franca do të jetë pa kapitenin e saj Kilin Mbape për dy ndeshjet e Ligës së Kombeve të planifikuara në ditët në vijim, kundër Izraelit dhe Belgjikës. Lajmin e konfirmoi “L’Équipe”, duke sqaruar se Didie Deshamp do ta konfirmojë këtë lajm, kur do të shpallë listën e lojtarëve të thirrur dhe do të mbajë konferencën e zakonshme për shtyp.
Vendimi është marrë në marrëveshje me lojtarin dhe Real Madridin. Kombëtarja franceze dëshiron t’i japë pak pushim sulmuesit, i cili ndër të tjera po rikuperohet nga një dëmtim i vogël në kofshën e majtë të pësuar më 24 shtator kundër Alavesit.
Mbape barazoi në derbin kundër Atletiko Madridit dhe u kthye në aksion në Ligën e Kampionëve kundër Lillë-s. Sipas të gjitha gjasave, ai nuk duhet të luajë as kundër Vijaarrealit fundjavën e ardhshme për të mbrojtur veten nga dëmtimi.
