Sipas një anketimi të revistës prestigjioze Time Out, e cila u përqendrua vetëm te të rinjtë nën moshën 30 vjeç, rezulton se perceptimi për qytetet më të mira për të jetuar është shumë ndryshe kur pyeten vetëm gjenerata e re (Gen Z), krahasuar me gjithë popullatën.
Në janar të këtij viti, një sondazh global me mbi 18.500 pjesëmarrës e shpalli qytetin Cape Town si më të mirin për të jetuar në vitin 2025. Por kur të dhënat u filtruan vetëm sipas përgjigjeve të të rinjve nga mosha 13 deri në 28 vjeç, fituesi i padiskutueshëm doli të ishte Bangkok.
Bangkok u vlerësua më së larti për lumturinë e përgjithshme, koston e përballueshme të jetesës dhe mundësinë e madhe për të njohur njerëz të rinj.
Pjesëmarrësit e rinj e përshkruan shpesh si një “qytet ideal për të krijuar miqësi”, me një ofertë kulturore të pasur dhe atraksione ikonike si tempulli Wat Arun dhe Pallati i Madh.
Në vendin e dytë u rendit Melbourne, i cili u vlerësua si shumë gjithëpërfshirës dhe me një skenë arti të jashtëzakonshme. Pothuajse të gjithë të rinjtë pjesëmarrës e cilësuan cilësinë e jetës atje si “shumë të mirë” ose “të jashtëzakonshme”.
Cape Town, megjithëse nuk ishte më i pari për të rinjtë, mbetet në vend të tretë dhe vlerësohet për bukuritë natyrore, mundësitë e shumta për aktivitete në natyrë dhe jetën e gjallë të natës./Faktor.mk
Top 10 qytetet më të mira për të rinjtë në vitin 2025:
Bangkok, Tajlandë
Melbourne, Australi
Cape Town, Afrika e Jugut
New York, SHBA
Kopenhagë, Danimarkë
Barcelona, Spanjë
Edinburgh, Skoci
Mexico City, Meksikë
Londër, Angli
Shanghai, Kinë
